منتدى كلنا الاردن
اهلا وسهلا بك زائرنا العزيز ونتمنى لك الفائدة من خلال منتدنا الذي تشرف بوجودك فيه معنا
وفي انتظار ابداعــــــــــــــــــــــك
منتدى كلنا الاردن منتدى كل الاردنيين
اهلا وسهلا بكل الاعضاء والزوار
<p>

منتدنا يفخر بوجودكم معنا وووووووو لانكم الاحلى والاجمل والارقى
بحـث
نتائج البحث
بحث متقدم
المواضيع الأخيرة
التبادل الاعلاني

انشاء منتدى مجاني




شاطر
اذهب الى الأسفل
avatar
باربي
مراقب عام
عدد المساهمات : 11902
نقاط : 28065
التقيم : 14
تاريخ التسجيل : 30/10/2011
المزاج : رائق

اهــداء مني لكــــل شخص حـــــــزين

في الأحد يناير 01, 2012 10:39 pm
]

_________________



اذا فكرت يوماً بتركي ..
فقط تذكر بأنك قد وعدتني بعدم التخلي عني
إن فكرت ان تحب من بعدي .. فقط تذكر بأنك
" بالحب الأول والأخير قد وصفتني"
إن ظننت بأنك ستعيش من بعدي .. فقط تذكر بأنك قلت لي كلمة وهي
......" أنت روحي"......
إن فكرت أن تبعد عني فقط...تذكر بأنك قد قلت
" ستموت ألف مرة من بعدي "
ولكن .. إن ... كنت تشعر ... بالسعادة مع ... غيري ..فقط ...
اعلم بأني من أجل ... سعادتك سأضحي
avatar
angel
المدير العام
المدير العام
عدد المساهمات : 8871
نقاط : 14094
التقيم : 6
تاريخ التسجيل : 27/10/2011
الموقع : عمان
المزاج : إذا ضبطت نفسك متلبساً بالغيرة "على " إنسان ما فتفقد أحاسيسك جيداً فقد تكون في حالة " حب " وأنت "لا تعلم"..

رد: اهــداء مني لكــــل شخص حـــــــزين

في الإثنين يناير 02, 2012 7:18 pm
اهــداء مني لكــــل شخص حـــــــزين

_________________
avatar
angel
المدير العام
المدير العام
عدد المساهمات : 8871
نقاط : 14094
التقيم : 6
تاريخ التسجيل : 27/10/2011
الموقع : عمان
المزاج : إذا ضبطت نفسك متلبساً بالغيرة "على " إنسان ما فتفقد أحاسيسك جيداً فقد تكون في حالة " حب " وأنت "لا تعلم"..

رد: اهــداء مني لكــــل شخص حـــــــزين

في الأربعاء أبريل 11, 2012 2:24 am
احترت فين انزله ما لقيت انسب من هالقسم لهـ..

طبعا مشواركم طــــــــويل معايا .. لو رايق اقرا

تلاحضون اننا تعودنا الايام هذي انو كل شخص مننا حزين

زمان لو نشوف واحد حزين نحزن معاهـ طوالي

وكلنا نتكلم معاهـ ونضحكوا ونخليه يحب الحياهـ

اما الحين ؟

لو نشوف واحد حزين .. بدون مانفكر .. نعتبروا شي عادي !!!

طيب واذا حزين ؟ ايش الغريب ؟ الكل حزين ترى مو بس انتا !

طيب

طالما الكل حزين .. حبيت اعلمكم ((( فن التعامل مع الحزن )))

بحكم اني اكلت تراب في الدنيا الين امتلأ فمي

ولسى حاكل في المستقبل

وهذي بعض من المعلومات الي اعرفها في

فن التعامل مع اي شكل من اشكال المشاعر [ فرح , حزن , الخ ]

طبعا الدين والقرآن والاشياء هذي عارفين انها تسعد الانسان

فمايحتاج اتكلم فيها

لاني بتكلم من [ منظور نفسي ]

الفرح عبارهـ عن طاقه

السعادهـ > طاقه

الحب > طاقه

الشوق > طاقه

الالم > طاقه

اليأس > طاقه

الفشل > طاقه

النجاح > طاقه

التحطيم > طاقه

الكآبه > طاقه

وايضا ؟؟؟

[ الحزن ] عبارهـ عن طاقه

والسؤال هوا

في ايش راح تفرغ الطاقه هذي ؟؟؟

شي يفيدكـ ولا يضركـ ؟؟؟

بالاكتآب ولا بالصبر والمحاوله ؟؟؟

طبعا

كل الطاقات الايجابيه والسلبيه نقدر نصبها في مصلحتنا !!!

لا احد يقول هذي طاقه سلبيه

ومانقدر نتحكم فيها !!!

لا لا .. غلط [ كلها طاقات تقدر تفرغها في اي شي تبغاهـ ]

> ركزت ؟؟؟ في اي شي تبغاهـ !!!

وهذا دليلي :

1)

الزعل > طاقه !

فيه شخص يقول

لمى ازعل .. البس اليد حقت الملاكمه

واتخيل الجدار [ وجه الزعل ]

واضربه بكل ماأوتيت من قوهـ

الين اطيح ع الارض .. وارتاح

فرغتها > بالظرب

2)

المديح > طاقه !

شوفي نفسكـ

لمى زوجكـ يمدح طبخكـ او تنظيمكـ للبيت او اهتمامكـ فيه

تلاقيكـ المرهـ الجايه تبدعين اكثر ! صح؟

فرغتيها > بالأفعال !

3 )

الفشل > طاقه

العلماء لمى يفشلون

تلاقيهم يكتسبون [ طاقه ] ويقوون اكثر وتزيد همتهم اكثر واكثر

وبالاخير يحصلون على مبتغاهم غصب !

فرغوها > بالابتكارات

4)

الحب > طاقه !

لمى تحب انسانه

تكتسب طاقه .. وتفرغها بأنكـ تحاول تسعدها طول عمركـ !

فرغتها > بأسعاد شخص او بالاصح [ شغل ] يعني تشتغل على راحتها

5)

التألم > طاقه !

لمى تتألم من شتم الناس لكـ وسبابهم

المرهـ الجايه تحذر منهم وتموت احساسكـ تجاههم عشان مايضرونكـ

وتحاول تعطي نفسكـ فكرهـ انكـ الافضل عشان تزيد ثقتكـ بنفسكـ

فرغتها > بالثقه

6)

الشوق > طاقه !

الزوجه لمى تشتاق لزوجها

تلاقيها تزبط البيت وترتبه

وتحط ورود وتعطر الجو وتتكشخ

وتسوي مفاجآت له وتشتري هدايا

فرغتها > بأسعاد زوجها والي هي [ افعال ]

7)

اليأس > طاقه

لمى تيأس تلاقيكـ جالس لوحدكـ

وتبكي تبكي تبكي الين تخلص دموعكـ

فرغتها > بالبكاء

Cool

الفرح > طاقه

لمى تفرح بترقيه

تلاقيكـ تبدع اكثر واكثر عشان تحصل على مال اكثر ومنصب اكبر

فرغها > بالمثابرهـ

9)

الحزن > طاقه

لمى تحزن تلاقيكـ تفرغ حزنكـ بالبكاء

او بالسب او بالشتم او بالتذمر او بالحظ العكر او بتنقيص قدركـ

............................................

امثله كثيرهـ واكيد قد سمعتو كلمه [ ابرد حرتي ]

على فكرهـ تراها تفريغ للطاقه

واكيد بيكون تفريغها بيكون بالسب او الظرب او الشتم

يعني اي طاقه تحصل عليها

تقدر تفرغها بأي شي تبغاهـ انت

سواء كان فرح ام حزن

طيب خلينا نشوف الحزن

في المثال فوق قلتلكم انو نفرغها بالبكاء

بس هل نقدر نفرغها بشي مفيد ؟؟؟

نعم

زي ايش ؟؟؟

زي الصبر ! .. وبكذا [ نكسب حسنات ] و [ يقوى الايمان ]

وتزيد الثقه والهمه

والرسول عليه الصلاهـ والسلام قال :

سبحان الله امر المسلم كله خير

ان اصابه خير شكر وان اصابه [ شر ] صبر !

طيب بكذا معناتو المفروض لمى نكسب طاقه [ نستفيد منها ] صح ولا لا؟؟؟

طيب خلينا نقول اني ابغى استفيد منها في الدنيا

وقتها هل اقدر استفيد من الطاقه هذي بشي يفيدني بالدنيا ؟؟؟

نعم اقدر

كيف ؟؟؟

انا حاط ليا جدول

اذا زعلت لابد اقرا من الكتاب الفلاني

يعني اجبر نفسي !!!

واعطي عقلي فكرهـ انو لمى اقرا الكتاب هذا راح افرغ كل طاقه الحزن فيها

في البدايه اقرأ وانا معصب ههه الين شويا اهدا وارتاح

بعد ماارتاح الاحظ نفسي اندمجت مع الكتاب ! وابغى اقرا اكثر

وفعلا اجلس ساعتين زيها وانا اقرا

انا بالطريقه هذي استفدت من طاقه الحزن

ومو بس لمى ازعل

في جدولي كاتب كل المشاعر !

من فرح وحزن والم وسعادهـ وكل شي

ولابد امشي عليها غصب عني

اجبر نفسي

لانكـ وربي والي خلقني لو تستسلم لهوالكـ ؟؟؟ راح تتعب

والدليل :

قال الله تعالى

[ ونهى النفس عن الهوى * فإن الجنه هي المأوى ]

يعني اجبر نفسكـ وادعس على هواكـ وخليها تمشي تحت امركـ

مو انتا الي تمشي تحت امرها !!!

طبعا اكيد لمى تسوي الكلام هذا

راح تحس انو فرغت الطاقه بس مو كلها

بقيت 20 او 30 % وماتدري ايش بتسوي فيها

كمان الحل عندي

روح ابكي لوحدكـ الين تخلص النسبه هذي

وراح تخلصها في 5 دقايق !!!

تدرون؟؟؟

وربي ماخربنا الا عاداتنا وتقاليدنا الي كل شوي نكتشف انها خاطئه

رجل او امرأهـ

ابكي الين تقول بس ولا تفكر في احد

انا لمى اروح للبحر طبعا ابغى افرغ باقي الطاقه بالبكاء

واجمل مكان عندي البحر

طبعا قبل ماابكي كمان [ اعطي عقلي فكرهـ ] انو ابغى ابكي عشان

افرغ باقي الطاقه وارتاح .. مو اتبكبك الين يغمى علي !!!

وفعلا

ابكي والاحظ 5 دقايق او 10 دقايق وبعدها اقول خلاص ههه

ولاااااااااااا مو بس كذا

وربي تلاقيني اضحكـ ههه ودموعي على خدي في نفس الوقت

وامسحها واقول للكنترول سيستم الي هوا [ العقل ] ههه :

خلاص ترى انا فرغتها اعطي الاوامر انو انا سعيد ^_^

طبعا عقل الانسان مو سهل وربي .. بس احنا مانعرف نستخدمه

وقتها العقل يقول انتا سعيد ؟؟؟

طيب اوكي دقيقه بس

ويجلس يفتش بالملفات حقت الذاكرهـ عشان يثبت فكرتكـ الي عرضتها عليه !

ويدور اي شي سعيد بحياتكـ

وتحس بعد دقيقه او اقل .. انكـ بجد سعيد الحين !!!

تبغون اثبات لكلامي ؟؟؟؟

ماتلاحظ انكـ لمى تزعل وتحزن

ويجي انسان قريب من قلبكـ ويقولكـ الدنيا حلوهـ

ويحاول يضحككـ ... تلاقيكـ تضحكـ ودموعكـ على خدكـ

بس مو على طول ! تبقى يمكن دقيقه او اقل

ليش ؟؟؟

لانو بالفترهـ هذي العقل جاتو فكرهـ ولااااااااازم يثبتها !!!

والفكرهـ هي [ انكـ سعيد ] وهوا مو شايف فيكـ السعادهـ

فيروح يجيبلكـ سعادهـ من الارشيف حقكـ

بعدها بتضحكـ !!!

_________________
avatar
باربي
مراقب عام
عدد المساهمات : 11902
نقاط : 28065
التقيم : 14
تاريخ التسجيل : 30/10/2011
المزاج : رائق

رد: اهــداء مني لكــــل شخص حـــــــزين

في الأربعاء أبريل 11, 2012 2:24 am
اهــداء مني لكــــل شخص حـــــــزين

_________________



اذا فكرت يوماً بتركي ..
فقط تذكر بأنك قد وعدتني بعدم التخلي عني
إن فكرت ان تحب من بعدي .. فقط تذكر بأنك
" بالحب الأول والأخير قد وصفتني"
إن ظننت بأنك ستعيش من بعدي .. فقط تذكر بأنك قلت لي كلمة وهي
......" أنت روحي"......
إن فكرت أن تبعد عني فقط...تذكر بأنك قد قلت
" ستموت ألف مرة من بعدي "
ولكن .. إن ... كنت تشعر ... بالسعادة مع ... غيري ..فقط ...
اعلم بأني من أجل ... سعادتك سأضحي
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى